Tuesday, November 2, 2010

KRISMAS NANG NEN


Zing dar 2 alo rik meuh chuan khawvel hian min kalsan ta vawng vawng  emaw tih mai tur hian khua a thim chhah tawh kher mai..!! Zan boruak thiang kuk mai leh thlasik rimnam leng vel chuan kan nghah hleh Krismas alo hnai zel ani tih min hriat chhuah tir tlat pek anih chu. Tlangval-a pum pa muhil thei talo chu(h)!! hla naihthlak tur kan zawng ta teh reng alawm mawle. Youtube site ah “krismas’ tih thumal pasarih in zawmkhawm hi ka chhu a, ‘enter’ in a hnung a zui hngal zat. Blue Corn (Tlingi leh Felicia-i) in thiam tak mai a an lo sak “Krismas nang nen” tih hi alo lang hmasa ber , tupa pawisawilo ber awmzia zang in, ka chalhtoh bur mai hian ka inhria. Lung zawng a leng em em pawn ka hre lo, mahse ka pen erawh zawng a leng ngang aniang in sum har ati kher mai. Ka dawm vang vang hnu chuan….
Kawl a ni chhuak chhiar in kan hun kan hmang ral ve zel a, hun hreawm leh nuam pawh thliar hrang em em lo in a liam duak duak zel mai. Kan nghah hlel sikni eng alo in her chhuak tan leh ta..!! Mitin mai a te ber atang a alian ber thlengin a... kan nghah hlelh ‘Krismas’ alo thleng leh dawn tih hre reng chung in mitin mai kan tuanna mual ah theuh kan kir sang sang zel a. Nula leh tlangval te tan zawng kawppuite (tunlai tawngkam tak in chasss ) nen a hun remchang ani, lenglai leh zawnlai te tan pawh a hun tha ani ve zel bawk.
Mahse ka kawppui ve nen zawng tuanna tlang a in ang ve cilo…!! Lenrual dang te zawng an kawplai di’ tang an bei fur awm ci, zan thiang hnuai ah pheilai an vawr a..kei ka riang tur bik hi a phal bik mawlh lo ang tih ka hria. Duhthlan dang neilo chuan duhthusam na mual ah kan in pal lut leh thin. Mahni rilru in, “theih chang ve se nang nen a hman dun ka nuam a cin--KRISMAS NANG NEN” tih hi ka thu leh hla ni rawh se.

He hun hlimawm leh ropui hi hmang dun thei lo mah ila, min theihngilh bik hauh suh ang che. He hun nuam ah hian ka hmangaihna biahthu hlan thei lo mah che ila, a phen a rinawmna tal kha chu lo vawng nung hram hram tur in ka ngen a che. Chu mai bak ah, he hun hlimawm ah hian kan sakhmel in tawng lo mah ila, I tan duhsakna leh khawvel parmawina ka hlan tel tal teh ang che. Dam ten ‘LAL PIANCHAM’ hun hi hmang la, kan in tawng leh thuai dawn nia…!!
*** Thalai tan mai nilo mitin thinlung ah, ‘HMANGAIHNA’ tih thumal hian hmun rawn chang se, thalai te rilru bik ah ‘CHHANDAMTU PIANNA NI’ tih hre ran chung in ‘REMNA THU’ I in hlan tawn ang hmiang..? I kawppui mai bak ah Lal Isua Krista hnenah hian, “KRISMAS NANGNEN” i ti ve dawn bawk lo em ni???

2 comments:

  1. a va thra thruai2 ve...
    good start....keep it up

    a dang poh han post zel teh khai

    ReplyDelete