KEI KA DUHSAM THAI CHU

Thiam na leh danglam bik na nei hran lo mah ila, han thai hnawk leh chiam mai teh ang. Pu Wangloa, U-taia leh midang thu leh hla lam a miril tak tak ten Zoram min vei san thin teh mahse, keizawng “hmangaihna” tih thumal  rahbi lam ah hian ka ke ka chhep mai bak ah ka tuiral leh thin..!! Zankhua alo tlai a, tute mai pawh hian mahni riahna hmun kan han pan sang sang a, mahni khumlai zawl ngei mai ah duhthu kan sam leh mial mial mai thin zawng anih hi maw..!!

Kei ka D’ ve tur chu, a sakhmel hian dikna tih tawngkam thumal hi a pho chuak lah tur ani a. A duhawmna leh a mize nun mawi tak in belh khawm hian  rinawmna  a hring chhuak ngei tur ani bawk. A thinlung ah “khawnge ka tlu berh ta sa sa kan tal berh law law teh ang” tih ai chuan “ka tho anga ka in sil zawk teh ang” tih na rilru a pu tur ani. Sual a tluk chang awm thin mahse tho chhuak leh ngam tur khawp in a huaisen ngei tur ani . A mit veilam a chhingin a rilru ah hmeichhia ani tih a in hrechiang tur ani a, a dinglam a khap in kohhran leh khawtlang ah inhman dan tawk a thiam ngei tur ani bawk. A kut dinglam a phar chhuah in, a duh nilo a mamawh ciah lei nachang a hre tur ani a, a veilam erawh zawng a pasal a hmangaih tluk zet in a pasal nu leh pa a hmangaih tel hngal tur ani. A thin a phut in, fa pahnih khat a hrin hnu a inchei tawp hngal mai tur anih loh zia a hre hngal tur ani bawk. A ke dinglam a pen chhuah in, chhungpui nu nih a thiam bak ah a pasal a chawi mawi thiam tur ani a, a ke veilam a chet erawh thung chuan, zingkar atangin a hmel dik tak hmuh theih loh khawp a in hnawih tur ani lem lo.

Mihring fate hi zawng duh sam na khawvel ah hi chuan leihringnun hi kan dawn pha meuh lo thin anih hi maw..!!! Nati nge kan mizo nula te hian hnamdang tawn a uai hi an in tih hmuh le? tih zawhna hi ka tawng fo mai..!!  Achhanna min pek thin chu, hnamdang mipa chuan min duat bak ah min zawl dawh thiam em ani an ti thin. KS in “ka nu leh paten min boral san a ka in zuar lo thei lo ani” ti a chhuanlam an siam ang ngawt ani ang tih chu ka hlau hnuhnawh. Mahse, kan hmeichhia te hi kan dem ngawt thei bik love, mizo mipa te pawh kan in bih chian a ngai ani, engmah ni silo a kan hmeichhia te lak a chapo kan zir leh thin.

Ka mipa pui te hian tunlai chhan ah hmeichhia fel duhthusam chu an vang tawh lawng maw? in ti mai thei e, kan mizo nula te ah hian chhiar sen loh an la awm thu ka sawi ang, ka sawi zel fo ang.